Fokus Pokus | |
---|---|
ing. Hocus Pocus | |
![]() | |
Janr | qorxu filmi, fentezi filmi[d], komediya filmi |
Rejissor | Kenni Orteqa |
Prodüserlər |
Devid Krişner Stiven Haft |
Əsərin müəllifləri | Devid Krişner və Mik Qarrisin hekayəsinə əsaslanır |
Ssenari müəllifləri |
Mik Qarris Neyl Katbert |
Baş rollarda |
Bett Midler Sara Cessika Parker Keti Nacimi Omri Katz Tora Börç Vinessa Şou |
Operator | Hiro Narita |
Bəstəkar | Con Debni |
Montajçı | Piter Edvard Berger |
İstehsalçı | Walt Disney Pictures |
Distribütorlar | Buena Vista Pictures Distribution, Inc. |
İlk baxış tarixi | 16 iyul 1993 |
Müddət | 96 dəq.[1] |
Büdcə | $28 milyon[2] |
Gəlir | $45.4 milyon[3] |
Ölkələr |
![]() |
Dil | ingiliscə |
İl | 1993 |
Rəng | rəngli |
Çəkiliş yeri | Kaliforniya |
IMDb | ID0107120 |
![]() |
Fokus Pokus (orijinalda ing. Hocus Pocus) — 1993-cü ildə çıxarılmış ABŞ fentezi komediya filmi. Film, Massaçusetsstatının Salem şəhərində bakir yeniyetmə oğlan (Omri Katz) tərəfindən Hellouin gecəsi təsadüfən həyata qaytarılmış üç qəddar cadugərdən (Bett Midler, Sara Cessika Parker, Keti Nacimi) bəhs edir. Film, Mik Qarris və Neyl Katbert tərəfindən yazılmış ssenari əsasında Kenni Orteqanın rejissorluğu ilə çəkilmişdir.
Film ABŞ-da 16 iyul 1993-cü ildə Walt Disney Pictures tərəfindən çıxarılmışdır. Çıxarıldığı il film, tənqidçilər tərəfindən əsasən mənfi qarşılanmış, neqativ və ya qarışıq rəylər almış, həmçinin kassa uğuru əldə edə bilməmişdir. Eyni zamanda, ehtimal ki, filmin kinoteatr yayımı zamanı Disney təxminən $16.5 milyon ziyana uğramışdır. Lakin, Disney Channel və Freeform (keçmiş ABC Family) telekanallarında hər il oktyabr ayında təkrar göstərilməsi izləyicilərin filmi yenidən kəşf etmələrinə imkan yaratmış, beləcə ilbəil Hellouin ərəfəsində filmin ev nümyişi üçün satışları artmışdır.[4] Film Hellouinlə əlaqəli kult filmi statusu qazanmışdır.[5][6]
Filmin sikveli olan Fokus Pokus 2 30 sentyabr 2022-ci ildə Disney+ striminq xidmətində debüt etmişdir.